Krossinn heimsóttur

Það var sannarlega gaman að ganga upp í Garðhvamm í veðurblíðunni í Suðursveit í síðustu viku. Náttúran skartaði sínu fegursta, birkið angaði og blágresi, ljósberi og sjöstjarna voru í blóma. Krossinn sem reistur var í fyrra til minningar um Þórberg Þórðarson og hjásetu ungra manna á Breiðabólsstaðarbæjum hefur ekkert látið á sjá í harðviðrum vetrarins og útsýnið ofan í Klukkugil var hrikalegt að vanda.Ástæða er til að benda ferðafólki á þessa einstöku gönguleið sem hefur nú verið merkt. Hægt er að fá upplýsingar eða panta leiðsögn á Hala í síma 4781073 eða 8672900.