Góðar gjafir

Ekki fyrir svo löngu bárust Þórbergssetri góðar gjafir frá hinni kunnu fræðikonu og þýðanda, Helenu Kadecková frá Tékklandi. Gjafirnar reyndust vera tvær útgáfur af bókinni Steinarnir tala eftir Þórberg Þórðarson á tékknesku. Sú fyrri var gefin út árið 1965 en seinni útgáfan núna á þessu ári og heitir bókin á slavneskri tungu Kameny Mluví. Í nýju útgáfunni eru nokkrar myndir héðan úr Suðursveit sem prýða bókina og þ.á.m. skemmtilegar myndir af heimilisfólkinu á Hala um 1965.

Setrið sendir Helenu góðar kveðjur héðan úr Suðursveit og kann henni miklar þakkir fyrir þessa góðu gripi sem verða einir af mörgum sem munu prýða safnið þegar þar að kemur.