Skip to main content
  • Þórbergssetur

  • Steinninn í hlaðinu

  • Andlit skáldsins

  • Sólsetur

  • Jökulsárlón

  • Bókaveggurinn

  • Norðurljós yfir Hala

  • Demantsströnd

  • Textar á sýningu

  • Á flugi yfir jökulsporðinum

LATRADU

ESPERANTO VEFUR


Tripadvisor


Facebook

Menningarsetur reist til minningar um Þórberg Þórðarson rithöfund.

Um safnið

Þórbergssetur  er opið alla daga frá 1. febrúar 2024 kl 9 - 21 

Verð á sýningar er krónur 1500, en 1200 fyrir hópa sem eru 10 manns og fleiri

Sýningar

Í Þórbergssetri eru sýningar helgaðar sögu Suðursveitar og lífi og verkum Þórbergs Þórðarsonar rithöfundar.

Allir velkomnir í Þórbergssetur.

Veitingar

Veitingahús og safn er opið til loka nóvember 2023 
Sérstök dagskrá fyrir hópa ef óskað er.

Vinsamlega pantið í síma 478 1078/ 867 2900 eða á This email address is being protected from spambots. You need JavaScript enabled to view it..

Fréttir af haustþingi Þórbergsseturs um Fell í Suðursveit

imageMálþing Þórbergssetur sem haldið var í lok október var afar áhugavert. Þar var fjallað um endlok byggðar á höfuðbýlinu Felli í Suðursveit sem stóð undir Fellsfjalli á austanverðum Breiðamerkursandi, landsvæði sem nú tilheyrir Vatnajökulsþjóðgarði. Jafnframt var rætt um framgang og síðar hop Breiðamerkurjökuls , landmótun og hvað það var sem varð ,,Felli að falli", eins og Snævarr Guðmundsson fjallaði um í erindi sínu. Mikill áhugi er nú hjá heimamönnum að gera einnig skil fornri menningar- og búsetusögu innan þjóðgarðsins og vonir standa til að fjármunir fáist í slíkt verkefni á næstu árum. Því miður var mikið um að vera þessa helgi og frekar fáir sóttu málþingið og ekki tókst heldur að fá neinn til að senda viðburðinn út í beinu streymi vegna anna. Umfjöllunin var þó afar gagnleg fyrir þá sem koma að rannsóknarstörfum og uppbyggingu innan þjóðgarðsins, þar sem þarna kom fram mikil þverfagleg þekking á svæðinu þar sem fræðimenn og heimamenn er gerst þekkja til  fjölluðu um sögu, búsetu og staðhætti í samhengi við gríðarlegar breytingar á náttúrufari og landslagi allt frá tímum litlu ísaldar til okkar daga. Starfsmenn Vatnajökulsþjóðgarðs voru mættir og auk þess starfsfólk á vegum hinna ýmsu stofnana sem koma að rannsóknum á svæðinu auk áhugafólks um sögu og fornar minjar til að fræðast um staðinn. Dagskráin var löng og stóð til klukkan 5 síðdegis með góðu matar og kaffihléi. 

Lesa meira

FELL í Suðursveit, saga þess í fortíð, nútíð og framtíð ,,.að fletta í albúmum lífsins"

Fell forsíðaHaustþing Þórbergsseturs verður haldið laugardaginn 29. október og hefst klukkan 11:00. Fjallað verður um forna frægð jarðarinnar Fells í Suðursveit, landmótun, jöklabreytingar og lífsstríð ábúenda uns byggð lagðist þar af vegna ágangs jökuls og jökuláa á seinni hluta 19.aldar. Einnig reifaðar hugmyndir að samstarfsverkefni um sjóngervingu menningar- og náttúruarfs með tilliti til nýjustu tækni í formi merkinga innan þjóðgarðsins og e.t.v. sýndarveruleika.
 
Dagskrá
11:00  Málþing sett
11:05  Hvað varð Felli að falli? Landmótun og jöklabreytingar á Breiðamerkursandi á síðustu öldum.  Snævarr Guðmundsson jöklafræðingur
11:35  Horfinn Eden; Fell í skrifum Þórbergs Þórðarsonar; Soffía Auður Birgisdóttir bókmenntafræðingur
12:05  Hádegisverður
13:00  Mannvist á Felli - skráning búsetuminja; Sigríður Guðny Björgvinsdóttir landfræðingur
13: 35  Lífsstríð og sambýli við jökul og jökulár - Sögur af ábúendum Þorbjörg Arnórsdóttir
14:10  Sögur af Rannveigu á Felli og mannlífi sunnan Steinasands; Fjölnir Torfason
15:00  Endurbygging Fells, - sjóngerving menningar- og náttúruarfs, Þorvarður Árnason náttúrufræðingur
15:30  Kaffihlé
15:55  Ævintýri og líf í Kanada. Kynning á bók um Guðjón R Sigurðsson;  Þórður Sævar Jónsson.
16:30  Lok málþings

Ólafsvaka í Kálfafellsstaðarkirkju 2022

tónleikar 1Tónleikar á Ólafsvöku í Kálfafellsstaðarkirkju  29. júlí 2022   voru fjölsóttir þetta árið enda heimsfrægt tónlistarfólk mætt á staðinn. Það voru þau Eyþór Gunnarsson og  Ellen Kristjánsdóttir, systurnar Sigga og Beta og bróðir þeirra Eyþór, en þau systkinin höfðu gert garðinn frægan í  Eurovisionkeppni vorsins 2022. Kálfafellsstaðarkirkja er einstaklega hentug til tónleikahalds og samstarf við kirkjuna um þennan einstæða atburð ár hvert ánægjulegt. Um leið er rifjuð upp sagan um dýrlinginn Ólaf helga en kirkjan var helguð honum í kaþólskum sið. Líkneski af Ólafi helga var gefið  í kirkjuna laust eftir aldamótin 1700 til að hrinda fornum álögum sem völva lagði á staðinn í frumkristni. Því miður rigndi hressilega þetta árið svo ekki var hægt að heimsækja leiði völvunnar undir Hellaklettum en viðburðurinn hefur einnig þann tilgang að halda á lífi fornum sögum og vitneskju um þær minjar í landslagi sem enn eru greinilegar og tengjast þessum forna ákvæði um örlög völvunnar á Kálfafellsstað.
Stórkostlegan flutning fjölskyldunnar á sálminum forna Heyr himnasmiður má heyra hér: https://www.youtube.com/watch?v=xJZKSwsYUeA

Sunnudagskaffi og bókakynning í Þórbergssetri

GaribaldiÞað var fámennt en góðmennt á bókakynningu skáldsins Garibalda í Þórbergssetri á miðju sumri.  Garibaldi las þar úr bók sinni ,,Drauminn dvelur" . Boðið var upp á kaffiveitingar að sveitasvið á eftir og spjallað saman. Garðar dvaldi þessa viku á Sléttaleiti sem að er hús í eigu Rithöfundasambands Íslands. Nágrannar Þórbergsseturs í skáldastétt sem búa á Sléttaleiti tímabundið koma því oft við í Þórbergssetri. Segja má að umhverfi Sléttaleitis sé kyngimagnað og hefur án efa haft áhrif á einhverja höfunda sem þar hafa dvalið við ritstörf undanfarin ár. 
 
Garibaldi er skáldanafn Garðars Baldvinssonar. Hann er fæddur 1954 og hefur starfað sem rithöfundur frá árinu 1982, en hann endurfæddist til nýs lífs eftir sviplegt fráfall tveggja bræðra sinna vorið 1980 og fór þá að elta drauma sína um menntun og ritstörf. Garibaldi fjallar í bókinni um æsku sína á afar nýstárlegan hátt. Textinn er að mestu frá sjónarhóli lítils drengs sem horfir á og heyrir það sem gerist fyrir augum hans. Einnig lesum við um hugsanir þessa drengs eins og þær koma fram í huga hans. Þessi aðferð kann að vera einsdæmi í íslenskum bókmenntum og jafnvel þótt víðar væri leitað. Inn á milli eru fáeinir kaflar þar sem fullorðni maðurinn fjallar um tiltekin mál eins og heimsókn barnaverndarnefndar. Einnig skrifar fullorðni maðurinn nokkur bréf til litla drengsins, móður sinnar og að lokum til föður síns. Þessi bréf varpa sjaldgæfu ljósi á upplifun og reynslu lítils barns. sjá nánar https://garibaldi.is

Hönnuðir

Arkitekt og hönnuður byggingar eru Sveinn Ívarsson og Jón Þórisson. Hönnuður sýningar er Jón Þórisson. Textahöfundur sýningar er Jón Hjartarson leikari.

Upplýsingar

Í anddyri Þórbergsseturs er upplýsingamiðstöð þar sem starfsmenn Þórbergsseturs fræða gesti um starfsemi setursins, Þórberg Þórðarson og sögu Suðursveitar. 

Gestakomur


Gestir í dag: ... 208
Gestir þennan mánuð: ... 9080
Gestir á þessu ári: ... 17120