Það er komið haust

Það haustar að og þessa dagana skartar náttúran sínu fegursta. Litadýrðin í skóginum í Staðarfjalli/Papbýlisfjalli er mikil og vel þess virði að fara í fjallgöngu og njóta útiveru áður en skógurinn glatar lit sínum og grámi vetrarins tekur við. Á Þórbergsvefnum birtum við nokkrar myndir sem sýna veðurblíðuna í Suðursveit.Koltungnatindur er myndarlegur með hvítan koll og fossarnir í Rauðá skína við manni þar sem þeir falla niður úr Rauðarárbotni, ,,þetta fjall er yndislegast allra fjalla," segir Þórbergur i bókinni Um lönd og lýði.

,,Frá hlíðum þess stafaði djúpum unaði og einhverju hátíðlegu sem ég hef ekki fundið frá hlíðum annarra fjalla. Hugsunin missir taki af því, þegar hún reynir að lýsa því með orðum,"