Þórbergssetur
Framkvæmdir við Þórbergssetur hafa legið niðri í sumar, en vonast er til að geta byrjað aftur með haustdögunum. Á þessari stundu er miðað við að Þórbergssetur verði opnað fyrir almenning eigi síðar en 1. júlí 2006. Það veltur þó fyrst og fremst á hvernig til tekst að fjármagna verkefnið, segja má að vanti herslumuninn á að klára húsnæði en töluverð vinna er síðan við að laga umhverfið í kring og búa til bílastæði.
Gagnaöflun á sýningu hefur staðið yfir en ekki verið hægt að huga að uppsetningu eða niðurröðun fyrr en húsnæðið er búið að taka á sig endanlega mynd. Margir ferðamenn hafa rennt í hlað á Hala í sumar og spurst fyrir um Þórbergssetur, en ætla síðan að koma við síðar þegar húsið verður fullbúið.