Styrkur
Í gær, 11. maí, úthlutaði Menningarráð Austurlands styrkjum til ýmissa verkefna á Austurlandi og þar á meðal hlaut Þórbergssetur eina milljón króna. Þetta er annað árið í röð sem Setrið hlýtur veglegan styrk frá Menningarráði og mun hann fara í þýðingarverkefni og uppbyggingu á leikmynd sem mun prýða safnið þegar þar að kemur. Þorbjörg Arnórsdóttir, forstöðumaður Þórbergsseturs, veitti styrknum móttöku á Egilsstöðum við hátíðlega athöfn sem haldin var í tilefni úthlutunarinnar.