Upp er að rísa Setur

Það er mikill kraftur í byggingarmálum hér að Hala í Suðursveit og daglega má sjá einhverjar breytingar. Áður en við er litið hefur viðbygging, vestra megin, risið upp og nú má sjá þar fagurlaga boga sem er hár og tilkomumikill. Í dag er boginn eystra megin í smíðum og má telja líklegt að hann klárist á morgun. Smátt og smátt er lagið á byggingunni sem hönnuðir gerðu ráð fyrir, að komast á, en hið einfalda byggingarlag „gulu hlöðunnar“ að hverfa. Það er því óhætt að segja sköpunin sé á áætlun og meðgangan góð!