Og sköpunin heldur áfram

Í mistri og dulúð, þar sem eflaust margt býr í þokunni, halda byggingaframkvæmdir áfram í Suðursveit. Veggir innandyra hafa verið þiljaðir krossviði, loft er þakið gipsplötum og í dag mættu pípararnir. Þeir gerðu allar lagnir í gólfi klárar ásamt skolplögnum og nú er hafin steypuvinna á því af fullum krafti. Búið er að slá upp fyrir sökklum vestan megin skemmunnar, þar sem hin bókastoðin mun rísa og er það stefnan hjá hinum knáu og kátu smiðum að klára alfarið alla steypuvinnu fyrir páska.
Meðfylgjandi myndir sýna svo ekki verður um villst að rífandi gangur er á verkinu