Á Hala er nú hægt að panta gistingu í sérhúsnæði. Um er að ræða 6 herbergi með sameiginlegu baði í sérhúsnæði og svo 9 herbergi með baði í nýbyggðu rúmgóðu gistiheimili. Þar eru einnig 3 herbergi með sameiginlegu baði, setustofa og eldhús til afnota fyrir gesti. Sjá nánar á www.hali.is Fyrir utan háannatímann þ.e. frá 1. september til 1. júní  er hægt að koma og dvelja á Hala yfir helgi eða í lengri tíma. Á það við um hópa, fjölskyldur, fræðimenn, ýmis námskeið eða skólahópa. Á vegum Þórbergsseturs er hægt að panta sérstaka dagskrá sem hentar hverjum og einum. Sem dæmi má nefna gönguferð að kvöldlagi og stjörnuskoðun ef veður leyfir,  upplestur úr verkum Þórbergs eða efni úr Suðursveit, gönguferðir úti í náttúrunni, ratleiki, að skoða fiskeldi og ála, hátíðarkvöldverð í Þórbergssetri o.fl. Jarðhiti hefur fundist við Hala og hægt er að baða sig í heitum potti (fiskikari) og stunda Möllersæfingar á síðkvöldum. Frekari upplýsingar er hægt að fá hjá Þorbjörgu Arnórsdóttur í síma 867 2900