thorbergur.is - Upplýsingar um Þórbergssetur

Fimmtudagurinn 23. maí 2013

Upplýsingar um Þórbergssetur

Þórbergssetur var opnað 1. júlí 2006 Þar er nú veitingasala, gestamóttaka, salerni, og tveir sýningasalir. Í eystri sýningarsal eru breytilegar sýningar á milli ára.sjá www. thorbergssetur.is Í vestri sýningarsal er fjölbreytt sýning er tengist ævi og verkum Þórbergs Þórðarsonar, en einnig sögu þjóðarinnar á hinum ýmsu æviskeiðum skáldsins. Sýningin er sambland af fræðsluspjöldum og safni og hægt er að ganga inn í leikmyndir þar sem reynt er að ná andblæ liðinna ára og njóta um leið stórbrotinna lýsinga meistarans sem leiðsögn um svæðið. Arkitekt að húsinu er Sveinn Ívarsson og hönnuður sýningar Jón Þórisson
Þórbergssetur er opið allt árið
Opið er í Þórbergssetri alla daga frá kl 9:00 - 21:00 frá 1. maí - 1. október
Opnunartími Þórbergsseturs frá 1. október til 1. maí er frá kl 8 :00 - 11:00 og frá 16:00 - 20:00 alla daga. Ef enginn er við í Þórbergssetri má banka upp á Hala eða hringja í síma 4781073 eða 8672900 Tekið er á móti pöntunum utan hefðbundins opnunartíma.
Tímapantanir og fyrirspurnir eru í síma Þórbergsseturs 478 1078, eða 867 2900 netfang: Þetta netfang er varið fyrir ruslrafpósti, þú þarft að hafa Javascript virkt til að skoða það
Starfsmaður Þórbergsseturs er Þorbjörg Arnórsdóttir Hala sími 867 2900 netfang: Þetta netfang er varið fyrir ruslrafpósti, þú þarft að hafa Javascript virkt til að skoða það

cid_001901c699fa48345220ac15dc55hali2

[ Til baka ]

Tilvitnun

Sólin

Í Suðursveit var sólin helgasta handarverk Guðs. Hún var næstum ein persóna Guðdómsins. Fólk bar djúpa lotningu fyrir henni. Ég heyrði það oft tala fallega um hana. Það sagði stundum á morgnana:,, Nú er blessuð sólin komin upp." Og á kvöldin:,, Nú er blessuð sólin sest."Ég sá það stundum standa undir eldhúsgaflinum, þegar það kom á fætur, og krossa sig framan í hana. Það gerði ég líka. Ég vissi ekki af hverju, nema þegar amma mín hafði fengið andarteppukast um nóttina eða skjöldótta kýrin bölvað mikið, þá vissi ég alltaf til hvers ég krossaði mig. Mér fannst krossarnir fullorðna fólksins vera þakkargerð til Guðs fyrir að vera sloppin lífs gegnum myrkur næturinnar. Og ég held það hafi líka verið svolítill ásetningur í því um Guði þóknanlega breytni þann daginn. Það var talsvert um það í Suðursveit að reyna að lifa eftir Guðs vilja. Þess vegna hefur enginn úr Suðursveit komist hátt í heiminum nema aðeins einn maður, og það er meira en öld síðan.
(Í Suðursveit bls 27)

Dagbók

Póstlisti